South African Bible Believers: Afrikaans

Job 41

[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37] [38] [39] [40] [41] [42]

JOB 41:1 Niemand is so vermetel, dat hy hom durf terg nie; wie is hy dan wat voor My sou standhou?
JOB 41:2 Wie het eerste aan My gegee, dat Ek hom moet vergelde? Wat onder die ganse hemel is, is myne.
JOB 41:3 Ek wil nie swyg oor sy lede en hoe dit staan met sy kragsvolheid en die skoonheid van sy uitrusting nie.
JOB 41:4 Wie het die boonste van sy pantser opgelig? In sy dubbele gebit--wie kan daarin deurdring?
JOB 41:5 Die deure van sy gesig--wie het dit geopen? Rondom sy tande is verskrikking.
JOB 41:6 'n Voorwerp van trots is die groewe van die skilde, verseël met 'n vaste seël.
JOB 41:7 Die een is so naby die ander, dat die wind daar nie tussenin kan kom nie.
JOB 41:8 Hulle kleef aanmekaar, hou aanmekaar vas, onafskeibaar.
JOB 41:9 Sy genies laat lig skitter, en sy oë is soos die ooglede van die dageraad.
JOB 41:10 Uit sy mond kom fakkels, spat vuurvonke uit.
JOB 41:11 Uit sy neusgate kom rook, soos uit 'n kokende pot met biesiesvuur daarby.
JOB 41:12 Sy asem laat kole ontvlam, en 'n vlam gaan uit sy mond.
JOB 41:13 In sy nek woon sterkte, en voor hom uit spring ontsteltenis.
JOB 41:14 Die klompe van sy vleis is vas aanmekaar, aan hom vasgegiet, onbeweeglik.
JOB 41:15 Sy hart is hard soos 'n klip, ja, hard soos die onderste meulsteen.
JOB 41:16 As hy hom oplig, word die magtiges bang; van verbystering raak hulle buite hulself.
JOB 41:17 Raak iemand hom met die swaard--dit hou nie stand nie; geen spies, lans of assegaai nie.
JOB 41:18 Yster is vir hom soos strooi; koper soos hout wat vergaan het.
JOB 41:19 Die pyl laat hom nie vlug nie; slingerstene word vir hom soos stoppels.
JOB 41:20 Knopkieries is vir hom soos stoppels, en hy lag oor die gesuis van die lans.
JOB 41:21 Onderaan hom is spits skerwe: hy sprei 'n ware dorsslee uit op die modder.
JOB 41:22 Hy laat die diepte kook soos 'n pot; die waterplas maak by soos 'n kokende salfpot.
JOB 41:23 Agter hom verlig hy die pad: 'n mens sou die watervloed aansien vir grys hare.
JOB 41:24 Sy gelyke is daar op die aarde nie, die skepsel sonder vrees.
JOB 41:25 Hy kyk alles aan wat hoog is; hy is koning oor al die trotse roofdiere.